آنا دیلی گونونون یارانما سببی
یازار:سینا حسنی
21 فئورییه 2 ایسفند آنادیلی گونو یونیسکو طرفیندن سئچیلدییندن بری بنگلادش اولکهسی و بوتون دونیا اولکهلرینین ایفتیخاری هالینا گلمیش.بو گون دونیا اوزونده و بنگلادش اولکهسینده صلح،گلیشمه وزنگیللیه ده سبب اولدو.
1952-ینجی ایلدن سونرا بوتون بنگلادئش میللتی 21 فئفرییهنی بویوک بیر مودلولوقلا شهید گونو ایلان ائیلهدیلر. بو گونون بنگلادئشده شهید گونو اولما سببی ایللر اونجهیه دونور اوزامان کی بنگلادئش هلهده پاکیستان اولکهسینین آلتیندایدی. اوزامانلار پاکیستان ایکی دوغو وباتی اییالتلریندن قورولموشدو.او زامان هر شئی محممد علی جناح بیین تحلیکهلی ایدئولوژیکی تئزینی سوندوغوندان سونرا باشلادی. بو تئز میللتین دیل وکولتورونو سایمایاراق بیر دینی بیرلیکدهلیک یاراتماق تئوریسییدی.آنجاق پاکیستانین دوغو ایالتینین بیر چوخ ساکینی کی بنگال ایدیلر وادبییات باخیشیندان نئچه مین ایللیک گوجلو بنگال کولتورونه صاحیب ایدیلر پاکیستاندا یاشییان بنگاللار دا اوز کولتورلرینه چوخ سایغی دویوردولار.
1952-ینجی ایلده پاکیستان اولکهسی اوزونو بیلمیشلیکله پاکیستانین رسمی دیلینی اوردو دیلی اولاراق ایلان ائلهییر و بو ایش پاکیستان اینسانلارینین ایچینده آیریمجیلیق یاراتدیغی اوچون گئت به گئت پاکیستانین دورومونو پیسلشدیریر ائله کی بنگلادشین ایستیقلالینا یول آچیر.
دوغو پاکیستین میللتی اوزللیکله اویرنجیلر پاکیستانین بو دیکتاتورجا حرکتینین قارشیسیندا دوروب دیرندیکلرینده پاکیسان دولتی طرفیندن کوتو بیر قارشیلیقلا قارشیلاشدیلار آما یئنه بنگال میللتی بو طرحین کی بنگال دیل و کولتورونو آرادان آپارماق طرحی ایدی قارشیسیندا دوردولار. پاکیستان دولتی کی میللتین ایسیانیندان قورخموش بیر حالا گلمیشدی پلیس نیرولارینا آتش آچما امری وئردی بو قورشون آتمالار سببی ایله مدنی حالدا پروتستو ائدن اویرنجیلردن بیر چوخلوسو یارالاندیلار و بیر نئچهسیده شهید اولدولار بو شهیدلردن ائلییه بیلهریک:سلام.رفیق و برکاتدان آد آپاراق. بو اویرنجیلرین اولوم خبرلری بوتون بنگال میللتینی عجاییب بیر حالدا خییاوانلارا سوردو و اونلارین اولومو کی اوز آنا دیللری اوچون اولموشدولر بونا یول آچدی کی سونرا دان بنگاللار اونلاردان شهید اولاراق آد آپارسینلار اونلارین متانتلریندن ایندی دونیا دیکتاتورلوغون قارشیسیندا اولان گوزل بیر تراژدی اولاراق یاد ائلهییر.
21 فئورییه بنگال میللتی اوچون بویوک بیر سیمگه و اسطوره حالینا گلدی ائله کی بنگال میللتی بنگال دموکراسی،سکولاریسم و ناسیونالیسمینی قوردولار. بوتون بنگلادش ایستیقلالینی 21 فورییهیه بورجلودور. 1952-ینجی ایلدن سونرا 21 فئورییهیه بیر چوخ اولکهلر اورنک اولاراق آمریکی،اینگیلیس،کانادا،هیند وس طرفیندن سایغی دویولدو. سون ایللرده بو گوندن بنگلادئشده دیلین شهیدی اولاراق آد آپاریلیر. بوگون چوخ بویوک گوندو چون دونیانین بوتو کولتورلرینین گونودور.
1999-ونجو ایلده بو گون یونسکو طرفیندن بویوک بنگال شهیدینین آنیسی اوچون دونیا آنا دیل گونو اولاراق بوتون یونسکونون اویه اولکهلرینه سونولدو.