اوزگونم، منی گولدور،منی اوزن بیر گولدور.
یا گل سئویندیر منی،یا دا سئوگینی اؤلدور.

گؤزللر سوزگون باخار،باخاندا جانلار یاخار.
قاشلارییلا اوخ آتار،اورکلردن قان آخار.

دینله مدین سؤزومو،آرتیق اوزمه اؤزونو.
من ایتیردیم دؤزومو،سن ده سوزمه گؤزونو.

اووا دوزاق قوردولار،اوودان اوزاق دوردولار.
من تاپدیغیم جئیرانی،یابانجیلار ووردولار.

دوداغیمی بویارام،اوزونده خال قویارام.
سن مندن دویسان دا یار،من ھئچ سندن دویارام؟

یئره قیراو قونوبدور،گؤللرده سو دونوبدور.
یار گؤنلومون آغاجین،یونقار یونقار یونوبدور.

اکدیم باغیمیزدا نار،ناریم وئرمدی ھئچ بار.
اوغروندا جان قویدوغوم،اؤزگه سینه اولدو یار.

اود توتموشام یانیرام،سؤندورن یوخ سانیرام.
دردیمی ساغالداجاق،بیر طبیب آراییرام.

بیر نئچه گون سونرا وبلاگیمیزدا بو شاعیردن تزه میللی و سئوگی بایاتیلاری پایلاشیلاجاق