آنا دیلی
پیغام مدیر :
با سلام خدمت شما بازديدكننده گرامي ، خوش آمدید به سایت من . لطفا براي هرچه بهتر شدن مطالب اين وب سایت ، ما را از نظرات و پيشنهادات خود آگاه سازيد و به ما را در بهتر شدن كيفيت مطالب ياري کنید.
آنا دیلی
نوشته شده در جمعه 18 خرداد 1388
بازدید : 750
نویسنده : timuçin azərbaycanlı

یازار:سینا حسنی(تیموچین آذربایجانلی)

بو یازینی اولو لیدئریمیز میر جعفر پیشه ورینین سوزو ایله باشلاییرام

دیل قونوسو بیزیم اوچون حیات و ممات مسئله‌سیدی.

بیلدیینیز کیمی آنا دیلی اینسانین یارانماسیندان بری ان تمل داشلاردان بیریدیر.دیل ایجتیماعی یاشامین آیریلماز بیر پارچاسی اولاراق اینسانا وئریلن ان بویوک وارلیقدیر. بو وارلیق اینسانین گلیشمه‌یه دوغرو گئدن یولونون واجیب اولان بیر پارچاسیدیر.

دونیادا هر اینسانین اوز آنا دیلینده یازیب اوخوماغی دوغال حققیدیر. اویسا کی دونیادا بعضی دیکتاتور اولکه‌لرین آلتیندا یاشایان میللتلر اوز آنا دیللرینده تحصیل آلماقدان محرومدولار.

ایشاره ائیله‌مه‌لییم کی اولوسلار آراسی سوزلشمه‌لرده اینسانین آنا دیلینده تحسیل آلماغی ان دوغال حاققیدیر و وورغولانیر بو حاققی هئچ بیر گوج اوشاقلارین الیندن آلا بیلمز.

دونیادا آنا دیلینی قوروماق یولوندا چوخ بویوک موجادله‌لر قاباغا آپاریلمیش و بو یولدا چوخلو قانلار توکولموش بو موجادله‌لره اورنک اولاراق 1955-اینجی ایلده بنگال میللتینین پاکیستان اولکه‌سینین اونونده آپاردیغی موجاده‌له‌لر وار کی سونوندا بو موجاده‌له‌لر بنگلادئشین ایستیقلالینا(اوزگورلویونه)یول آچدیلار بنگال میللتی بو ایللرده آنا دیللرینه، کولتورلرینه و تاریخلرینه صاحاب دوراراق و بو یولدا اونلارجا شهید وئره‌رک اوز اوزگورلوکلرینی الده ائیله‌دیلر .

1999-ونجو ایلده 21 فئورییه – 2 ایسفند گونو یونسکو طرفیندن بویوک بنگال شهیدینین آنیسی اوچون دونیا آنا دیل گونو اولاراق بوتون یونسکونون اویه اولکه‌لرینه سونولدو. و دونیانین دئموکراتیک اولکه‌لرینین بیر چوخلوسو بوگونو سایغییلا آندیلار.

آنجاق گوروب بیلدیینیز کیمی ایران آدلانان بو اولکه‌ده بویوک بیر تورک توپلولوغونون یاشاماسینا راغمن هئچ بیر تورک اوز آنا دیلینده تحصیل آلا بیلمه‌ییر. اویسا کی ایران اولکه‌سینین اوز آنایاساسینین 15-اینجی اصلینه باخدیغیمیزدا گوروروک کی بو اصل دئییر ایران اولکه‌سینین رسمی دیلی فارسجادیر آنجاق بوتون قوملاردا اوز آنا دیللرینده اوخویوب تحصیل آلا بیلرلر.

آنجاق هامیمیز بونا شاهیدیک کی بیزیم بو دوغال حاققیمیزی باشقا میللی.مدنی.اینسانی حاقلاریمیز کیمی باسقی آلتینا آلمیشلار وبیزه وئرمه‌ییرلر.

بیزیم گنجلریمیزده بو دوغال حاققی الده ائتمک اوچون چوخلو هزینه‌لر وئرمیشلر . 90 ایلدیر کی آذربایجان میللتی فارس دیلینین تاثیری آلتیندا آسئمیلاسیون سییاستینه معروض قالمیشلار. بو سییاستی دوام ائتدیرن فارس رژیمی 30 ایلدیر کی آذربایجان تورکلرینین میللی و معنوی دیرلرینی تحقیر ائتمکله باسقی آلتیندا ساخلایاراق بیزیم میللتی اوزلوکلریندن اوزا قلاشدیریرلار.

آذربایجان میللی ومدنی فعاللاری ایللرجه بو دوغال حاقلارینی ایسترکن باسقی آلتیندا قالمیش اونون دولایسیلادا حبسه وایشکنجهیه معروض قالمیشلار.

دئمه‌لییم کی: بنگلادئش میللتی بوتون ایشلرینی آنا دیللرینی و اوزگورلوکلرینی الده ائتمک اوچون ائیله‌دیلر.آنجاق بونودا بیلین بیزیم میللتیمیزده ایندییه قدر اوز آنا دیلیندن گوزل صاحاب دوروب نئجه کی بیزیم میللت 1385 خوردادیندا گوستردی کی 80 ایللیک فارس شوونیزمی و فاشیستلییی بوتون گوجسوز و بوش بیر شئیدی و بیزیم میللت اویانیق بیر حالدا آذربایجان اویاقدی وارلیغینا دایاقدی دئیه‌رک وارلیغیندان اوزاقلاشمادیغینی گوستردی و بو اومودو میللی حرکتین فعاللارینا وئردیلر کی میللی حرکت گلجکده میللت اوزرینه داها چوخ حساب ائیله‌سین . بونودا بیلین چوغونلوق همه‌شه مئیداندا اولماز بیر آن گلر بیر آندادا گئدر بو سیزی یانلیشا سالماسین کی دئیه‌سیز میللت یئرده اوتوروب یادا اوزلویوندن اوزاقلاشیب تاریخ گوستریب کی چوغونلوق  همشه 90-ینجی دیقه میدانا گلر . ایران ایسلامی اینقیلابیندادا گوروروک کی 1342-ینجی ایلین خوردادینین 15-یندن سونرا اوزون بیر زامان میللتدن خبر یوخدو آما 1356 دا گوروسوزکی میللت بیردن تاپیلدی منده سیزه اونریرم کی چوخ عجله ائله‌مه‌یین بیر آز صبیرلی اولون زامانیندا گئنهده چوغونلوق بیزیمله بیرلیکده اولاجاق و بیزده ایسته‌دییمیزه یانی اوزگورلویوموزه چاتاجاییق.



:: موضوعات مرتبط: , , , , , , ,
:: برچسب‌ها: دیل , زبان , آنا دیلی , زبان مادری , تورک , 2 ایسفند , 2 اسفند , پاکستان , بنگلادش , ترک , آذربایجان , مسعله قومی ایران , تبریز , اورمیه , سینا حسنی ,



مطالب مرتبط با این پست
.



می توانید دیدگاه خود را بنویسید


نام
آدرس ایمیل
وب سایت/بلاگ
:) :( ;) :D
;)) :X :? :P
:* =(( :O };-
:B /:) =DD :S
-) :-(( :-| :-))
نظر خصوصی

 کد را وارد نمایید:

آپلود عکس دلخواه: